Dros y 15 mlynedd diwethaf mae Julie Williams, y Partner Ymgynghorol wedi cynorthwyo mudiadau
i ddod o hyd i filiynau o bunnoedd o Nawdd Ewropeaidd ac mae ganddi brofiad helaeth o ddelio â
phob cam o’r broses o wneud cais am nawdd.

Gan ei bod yn gweithio o Sir Gaerfyrddin yng Ngorllewin Cymru, bydd y gwasanaeth grantiau
yn cael ei deilwra ar gyfer anghenion pob cleient. Gellir gwireddu’r cyfleoedd am nawdd o’r
Rhaglen Gydgyfeirio a Fframwaith 7 trwy gymorth yr arbenigedd sydd gan yr Ymgynghoriaeth
Nawdd Ewropeaidd hon.
Os yw eich mudiad wedi’i leoli mewn rhanbarth Gydgyfeirio, e.e. Gorllewin Cymru a’r Cymoedd
neu Gernyw, yna mae cyfleoedd nawdd ar gael yn arbennig i chi drwy’r rhaglen Gydgyfeirio a
gall Imperialis eich arwain trwy gymhlethdodau’r gwaith o wneud cais am nawdd er mwyn eich
helpu chi i redeg prosiectau sy’n cyfrannu at ddatblygiad economaidd y rhanbarth. Mae rheolaeth
gadarn o brosiect yn rhan hanfodol o redeg prosiect llwyddiannus a gellir cynnig cyngor ar y systemau
gorau i’w defnyddio i sicrhau fod eich prosiect yn llwyddo o ran ei amcanion.

Mae’r ymgynghoriaeth yn arbenigo mewn nawdd Ewropeaidd ond mae’n gallu cynnig cyngor a
chymorth i lanw ffurflenni cais ar gyfer unrhyw ffynhonnell nawdd. Bydd Imperialis yn asesu meini
prawf y rhaglen nawdd ac yn llanw’r ffurflen gais er mwyn sicrhau’r cyfle gorau posib o gyflwyno
cais llwyddiannus am arian.

Cefnogir Imperialis gan Rhaglen Ddeillio Cymru.